د ونزوېلا په شمال کې دوه پرلهپسې زورورو زلزلو پراخې ویجاړۍ رامنځته کړې
احساس نیوز || ٤ چنګاښ ١٤۰۵ھ۔ش
د ونزوېلا په شمالي سیمه کې د یوې دقیقې دننه دوو زورورو زلزلو پراخې ویجاړۍ رامنځته کړې دي. د راپورونو له مخې، د ۷.۲ او ۷.۵ درجې په کچه دغو زلزلو د کارابوبو ایالت او د مورون ښار شاوخوا سیمې ولړزولې.
لومړني معلومات ښيي چې په پلازمېنه کاراکاس او نورو سیمو کې ګڼ شمېر ودانۍ زیانمنې شوې، برېښنا او مخابراتي شبکې له ستونزو سره مخ شوې او د ژغورنې پراخ عملیات روان دي.
د امریکا د جیولوژیکي سروې ادارې (USGS) خبرداری ورکړی چې د زلزلو د شدت او د نفوسو د ګڼېګوڼې له امله د تلفاتو شمېر ښايي ډېر لوړ وي او ممکن له لسو زرو تر سل زرو کسانو پورې ورسېږي.
همداراز راپورونه وایي چې د کاراکاس نړیوال هوايي ډګر ځینې برخې زیانمنې شوې او الوتنې ځنډول شوې دي. د ونزوېلا حکومت په اغېزمنو سیمو کې بېړنی حالت اعلان کړی، خو تر اوسه د وژل شویو او ټپیانو رسمي شمېر نه دی خپور شوی.
