احساس نیوز | ۲۹ زمری ۱۴۰۵ هـ.ش
امنیتي ځواکونو د یوې وسلوالې ډلې مشهور قومندان حسیب پنجشیري، مشهور په «قوای مرکز» د یوه عملیاتو په ترڅ کې وژلی دی.
د خپرو شویو انځورونو له مخې، حسیب قوای مرکز وژل شوی او جسد یې پر ځمکه لیدل کېږي. د معلوماتو له مخې، نوموړی نن ماښام د بغلان ولایت په اړوند سیمه کې د امنیتي ځواکونو د عملیاتو پر مهال وژل شوی دی.
د «مقاومت جبهې» د سیاسي دفتر مسؤول عبدالله خنجاني هم په یوه ویډیويي پیغام کې د حسیب پنجشیري، مشهور په «قوای مرکز»، وژل کېدل تایید کړي او پر مړینه یې خواشیني څرګنده کړې ده.
حسیب قوای مرکز له دې وړاندې د یادې جبهې له قومندانانو څخه بلل کېده او په ۲۰۱۹ کال کې هم د هغه د نیولو لپاره د امنیتي ځواکونو د هڅو راپورونه خپاره شوي وو.
د سرچینو په وینا، حسیب پنجشیري د پخواني جمهوریت پر مهال د قوه مرکز په سیمه کې د غلاوو او شوکیو په تورونو هم مخ شوی و.
